حب الله ورسوله


منتدى جديد يحب الله ورسوله ويسعى الى طلب التوحيد
 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
متصفح القرآن الكريم

شاطر | 
 

 الزمجره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبداللطيف الفضلي



عدد المساهمات : 2
نقاط : 29382
السٌّمعَة : 0
تاريخ التسجيل : 01/10/2009

مُساهمةموضوع: الزمجره   الأحد نوفمبر 01, 2009 11:40 am

أذكر الخلاّق في مبدا السطور = أحمدالله والتجي له واشكره

واحد(ن) معبود تواب(ن) غفور= ماحد(ن) غيره وسيع المغفره

أكتب القيفان في كل البحور = أكتبه منظوم واحيان انثره

خبرة الأيام مدت لي جسور = من إله الكون جتني مقدره

أشعر الشعّار من شعري غيور= في زمان(ن) كل شعره ثرثره

ماعدا بعض النجوم اتشع نور = بس نور الشعر عندي يجهره

في أصول الشعر ضارب له جذور = مرهف الاحساس سحره يسحره

من يقول الشعر عندي به كسور = فكره المعدوم طبعأ يكسره

أتفكر في زمان(ن) به فجور = كل شي(ن) في زمنا مسخره

سيطر اهل الحقد واصحاب الشرور = صار للانسان أكبر مجزره

بالقلوب الحاقده مات الشعور = مابقى شي(ن) أبد تستشعره

العبوا فيهاالحمايم والصقور = دولة(ن) عظمى تحب الشوشره

ماحد(ن) عنده من احساس(ن) يثور= كل منهم نايم(ن) في مجحره

والشباب اللي طلع في ذا العصور = مالبس شي(ن) لجسمه يستره

بنطلونه يشحن الأنفس نفور = نازلن شبرين من تحت اظهره

دايمن يمشي دلع كله سرور = يمشط ابشعره ويمسك منظره

كنّه ابنيّه لها عمر الزهور = الاسم رجال والمنظر مره

والنسا صارت تبادر بالسفور = تلبس الموضه تحب الفشخره

عن أصول الدين دايم في دبور = تتبع اهل الغرب تمشي بختره

الشعر مفتول من فوق النحور = والصدر مكشوف للي ينظره

تدهل الأسواق فيها اقوى عطور = كل من شم العطر مد ابصره

ماتذكّرنا أبد يوم النشور = يوم نبعث من تراب المقبره

للحشر سرنا حفا مثل الطبور = عاريين(ن) موقفن يامااكبره

والسراط اللي صعيب(ن) بالعبور = طالبين الله يومه نعبره

كان بالجنه مع ابنيات حور = والاّ في نار(ن) سعيره تسعره

ذي قصيده فجّرت قلب الصبور = فاق غيظ الزير ويّا عنتره

باجعل القيفان للفاسق ثبور = في كتابتها وازمجر زمجره

ماكتبت الشعر في قافي فخور = ما أحب الزود ويّا المفخره

قلتها غضبان بالصوت الجهور = والعن الشيطان فيها وادحره

لاتقولون الرجل عنده غرور = معذره والمعذره والمعذره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الزمجره
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حب الله ورسوله :: المنتديات الأدبيه :: منتدى الشعر-
انتقل الى: